Kan Blog chhiartu zawng zawngte KUMTHAR Chibai kan buk a che u.
Hun engemaw chen chu he blog hi maintain loh leh luah lum lohvin a lo awm reng mai a, hetih chhung hian tlawhtu chu an awm ve reng a ni ang tih a rintheih a. A chhan pawh viewers list ah hiam mi sing chuang teh meuh a lo awm tlat mai a, hei vang hian phurna thar nasa takin min pe a ni.
Tunlaiah chuan Facebook leh Whatsapp te leh social network dangte an tam ta em em a, mitin mai hian Blog lam hi kan hai tha peih tawh meuh lo niin a lang a. Chutih rual erawh chuan, mi puitling tak tak, hriatna duh leh zirna atana Internet hmang mi engemaw zat kan awm ve reng bawk a. Chungte chuan an thil hriatduh leh mamawhte search engine hmanga an zawnna lamah kan blog pawh hi an lo lut fuh ve leh khauh thin a nih a rinawm.
Engpawh nise, taima taka, hunbi nei tak leh mumal taka Blog maintain tur chuan taihmak a lo ngai dawn khawp mai hi a ni a. Hnathawh tur tam tak leh tul dang awm reng karah kan lo hre chang tawh mang thin lo a, a zia lo hle a ni.
Pathian zarah kan dam anga, he blog pawh hi hmel thar nen tlema han tuai hnum kan tum dawn nia. Mahse tlema tih Kohhran hret hret kan tum ang a, tlema huap zau deuha tih pawh kan tum dawn nia. Chhiartu lam ten kan duh kan sawi ve theihna tur pawh ngaihpawimawhah dah kan tum bawk ang. A bik takin Puitling Sunday School Zirlai thlirlawkna hi han thar thawh leh a chakawm khawp mai a, mimal ang chuan hman reng a har khawp mai a, chhiartu lam atanga rawn thawh duh kan awm hlauh chuan a lawmawm khawp ang. Chutiang bawkin Nilai Zan thupui pawh hi a remchang tho ang. Duh thu samah chuan a hma ni 5 emaw tal la awm atang hi chuan chhiartu turte hmuh theiha dah chhuah ni thei se chu a duhawm khawp mai.
He Blog hi lo chhinchhiah la, lo lut fo thin ang che.
