Vaivakawn Pastor Bial KTP Conference Vawi 21-n

Vaivakawn Pastor Bial KTP Conference Vawi 21-na chu Phunchawng Kohhranah hman mek a ni a, Thupui "Tui hal rehna" (Joh.4:14) niin Speaker atan Rev. Lalsangbera, Bialtu Pastor hman a ni.

January 26, 2013 chawhma dar 11:30 - 11:30 khan kum 2013 atan hruaitu tur thlanna neih a ni a, mi 6 thlanchhuah niin heng mite hian Pathianni chawhma inkhawm banah chanvo insiamremna an nei ang. Kan hruaitu thlanchhuah te chu:
1. Alan Lalmuanpuia, Vaivakawn Branch
2. Lalruatkima Vaivakawn Branch
3. Laltanpuia Chawngthu, Vaivakawn Vengthlang Branch
4. Vardingliana, Phunchang Branch
5. V. Lalrinmawia, Hunthar Branch
6. Zodinthara, Hunthar Branch

January 26, 2013 chawhnu dar 12:30 - 5:15 thleng Conference Rorel nan hman a ni a, chuta thu pass te:-
1. Bial KTP Silver Jubilee lawm nise, ruahmanna Bial KTP-in siam rawh se.
2. Central KTP hruaitu thlanah hian nominate-te rawngbawlna tlangpui palaite tana hriat leh hmuh theih tura tarlan thin ni rawh se.
3. Kum 2013 chhung hian Bial KTP in zuk leh hmuamdo kawngah chak takin hma la rawh se.
4. Bial huap Bible Quiz neih ni rawh se.
5. Kum 2013 chhung hian Bial KTP-in zaipawl MEET buatsaih rawh se.
6. Bial KTP-in ruihhlo ngawite leh zuarte chhanchhuahna kawngah chak zawkin hma la rawh se.
7. Kum 2013 chhung hian Burma ram (Chin Hills)-a kan Mizo hnahthlakte tan Mizo Bible sem/pek ni rawh se.
8. Zin mite tawngtaina hmun hi chei chhunzawm zel ni rawh se.

Kum 2014-a Bial KTP Conference thlenna hmun atan Vaivakawn Kohhran nghah a ni a, a hun atan January 24-26, 2014 a ni ang a, Speaker atan Rev. Remlalfaka, Lecturer Missionary Training Centre, Mission Veng chu biak fel tawh a ni bawk.