Vaivakawn Branch KTP kum 40-na RUBY JUBILEE lawmna kal zelah October 3, 2011 zan hian Jubilee Meidet leh lawmthu sawi inkhawm hun hman a ni.
 | ||||||
| Jubilee Meidet tur hian Leader Pu Alan Muanpuia chuan meichher chhi kaiin Vaivakawn KTP-a OB lo ni tawh inkhawm zawng zawng ten inhlan chhawng zelin Leader hmasa ber Pu R. Zatawna chuan mei hi a dep kai ta a ni. |
He hunah hian Vaivakawn Branch KTP din tirh atanga tun thlenga hruaitute pawhin an rawn telpui thei a, Leader hmasa ber Pu. R Zatawna, tuna Kanan venga khawsa tawh leh Treasurer hmasaber Upa C. Makliana, tuna Zotlang-a khawsa mek te pawhin he hunah hian thu an sawi a. Thusawitu zinga pakhat Pu R.L Chhanzova, Secretary hmasa ber chu tun thlengin Vaivakawnah ala khawsa mek a ni.
Jubilee Mei det leh Lawmthusawi inkhawmah hian, Office Bearers hmasaber mi pathum la damte chu an rawn inkhawm thei vek a, an hnen atangin thusawi tawi ngaihthlak a ni bawk. Anni bakah hian Committee Members hmasa berte mi Pathum an lo inkhawm tel thei a, chungte chu Pu C.Rokhuma, Zotlang, Pi R. Lallianzuali (Seni) leh Nl. Liannguri Sailo, Vaivakawn ve ve te an ni. Anniho bakah hian Vaivakawn Branch KTP-a hruaitu hna lo chelh tawh tuna vengchhung leh veng pawn lama khawsa mekte pawh mi engemaw zatin he hun hlimawm tak hi an rawn hmang a ni.
 |
| Vaivakawn Branch KTP hruaitu lo ni tawh thin te |
In khawmah hian Vaivakawn Pastor bial zaipawl te bakah Jubilee Zaipawl ten thiam takin Pathian fakna hla an rem thei a, a lawmawm in ngaihthlak a nuam hle. Inkhawm hi Branch Leader Pu Alan Lalmuanpuia'n a kaihruai a, programme in chherchhuan a nih deuh avangin zan dar 9:00ah kham lo takin Vaivakawn Pastor Bial atanga penson ta Rev. CM Zalenthanga'n Malsawmnain inkhawm hi a tin ta a ni. Inkhawm banah thingpui tuihnai tak Biak Inhnuai-ah in ho a ni.
 |
| Vaivakawn Branch KTP SECRETARY hmasaber Pu R.L.Chhanzova leh tuna Secretary tanglai Pu Lalsaimawia Sailo |
 |
| Vaivakawn Br. KTP Leader Pu Alan Lalmuanpuia leh Treasurer hmasa ber Upa C. Makliana (a hunlaia Tv. C Makliana) |
No comments:
Post a Comment