Saturday, January 7, 2012

Kum 2012 Branch Committee Hmasaber

Branch Committee hmasa ber kan ngai pawimawh tlang hle.
Vaivakawn Aizawl: Kum 2012-a Branch KTP Committee hmasaber chu January 6, 2012 chawhnu dar 3:00 atangin General Committee Room-ah neih a ni a. Leader thar Tv. Lalchhuanawma Khiangte in Committee a kaihruai a, Assistant Leader Pu Alan Lalmuanpuia chuan hunserh hmangin memberte fuihna thu leh committee memberte hriat tur thu pawimawh tak tak a sawi bawk. Committee Member mi  33 te chu an kal kim vek a ni. Dam lohna avangin Member pakhat chu Committee hi a awm tluan thei lova, Committee dang awm avangin Bialtu Pastor, Ex Officio Member ni bawk chu a bul atangin a awm hman lo bawk. Committee hi zanriah ei nghalin zan dar 11 vel thlengin thu pawimawh tak tak an rel a, an thurel tlangpui hetiang a ni:
Tv> BDa pawh Pu Samu-a bula puar tak ei a tum





1. Thurelte tan tak tak hmain Branch Secretary Pu Lalsaimawia chuan Kohhran aiawh leh Ex-Officio te inhmelhriattirna hun a hmang a, Committee leh committee inkara KTP rawngbawlna Report a pe zui nghal. Hemi zawh hian Finance Secretary thar Pu Johny Rosailova chuan finance report a pe bawk a, report atanga alan danin kan sum dinhmun hetiang a ni:   
                                                                 Kum 2010 sum hman bang : Rs.  78,454.00
                                                                  Kum 2011 chhunga hmuh  : Rs.4,72,164.00
                                                                  Sum hmuh zawng zawng    : Rs.5,50,618.00
                                                                  Sum hman zawng zawng    : Rs.4,97,636.00
                                                                  Sum hman bang                 : Rs.   52,982.00
2. Branch Kalphung nghet ennawn: Kan Branch kalphung nghet kan ennawn te chu hetiangin kan sawi
      a) Missionary kan Kohhranin a thlahte Rs. 2,000.00-a kan thlah ve thin chu a la tha e kan ti.
      b) Kan member thi ralna atan Rs. 1,000.00 hu thil pek thin leh Biak In hawnga inneite lawmpui nan 
          Rs. 1,000.00 man hu lawmpuina kan inpek thin pawh a la tha tawk rih e kan ti.
     c) Kan kohhran chhungkua-ah mitthi an awm a khawhar chhungte Pathianni remchang hmasa bera 
         kan inkhawmpui thin pawh kan kaldan ngai hi a la tha zel e kan ti.
    d) Pathianni chawhma Sunday School ban a Tawngtai Inkhawm kan neih thin pawh kan kal dan
        ngai anga kal zel hi a la tha tawk rih e kan ti.

Tv PTa leh Pu Paula
3. Chanvo hrang hrang inruatna: Kan branch hnuaia Sub-Committee peng hrang hrang atan chanvo kan inruat a, Branch Office Bearers ten ngaihtuahna lo sengin ruahmanna an rawn chhawp chhuah zul zuiin mawhphurhna hrang hrang atan chanvo hi kan inruat a ni.

4. Group then leh Group Budget siam: Kum hmasa lama kan lo tih dan angin kuminah hian Group 4-a inthen leh tha kan ti a, Group hming pawh kum dang ang bawkin Martar Lalsangliani, Martar Lalbiakchhungi, Martar Rohmingthangi leh Martar Lalrinngheta Group-ah inthen leh tha kan ti. Branch Office Bearer te Group awmna tur chu a pawhin kan pawt a, hetiang hi an awm dan tur a ni:
                               Leader                  : Martar Lalsangliani Group
                              Assistant Leader    : Martar Lalbiakchhungi Group
                              Secretary               : Martar Rohmingthangi Group
                              Assistant Secretary : Martar Rohmingthangi Group
                             Treasurer                : Martar Lalsangliani Group
                             Finance Secretary   : Martar Lalrinngheta Group
   Group tin te kum khat budget atan Rs.10,000.00 kan kalpui mek chu a la tawk rih e kan ti a, tum hnih pekah hmangin Rs.5,000-in vawihnih thal ruk danah pek nise kan ti.
   Member nawlpui Group-a then chu kum danga kan lo tih thin danin Office Bearers te kutah dah a ni.
   Group sum hnar nghet kan neih Electric Bill leh Tui Bill khawn pawh hmun li-ah thenin a chang tu tur Group pawh nghal a ni.

5. Fresher Social & Group hruaitu thlan: January 30, 2012 Thawhtan zan inkhawm chu hemi hun atan hian kan ruahman a, a hmun a tan Gospel Centenary Hall nise kan ti. Group hruaitu thlan hi OB ten buaipui se Nomination pawh lo siam se kan ti a, inthlan zan vek hian inkhawm banah branch OB te kaihhruaina a chanvo insiam rem nghal turin ruahmanna kan siam.

Fresher-te hming list siam a, hemi zana inkhawm tura sawmna lehkha siam a, pek nise kan ti a, hei hi branch OB ten hma lain lo bawhzui se kan ti.

6. Thawhlawm ip bial siam: Kum danga kan tih thin ang bawkin kumin pawh hian bial 20 siam tha kan ti a, heng bial changtu tur mi kan ruat a, heng kan mi ruatte hi an bial vawn tur te lo ruahman turin Finance Sub-Committee te kan ruat a, anni hian a tul angin thawhlawm ip pawh lo siam belh rawh se kan ti.

Tv. Hriata leh Tv LalMapuia ten uluk takin SA an thlang
 
7. Branch Schedule 2012 siam: Hei hi tha kan ti a, Branch OB te leh Group tin Leader leh Secretary ten ruahmanna lo siam sela, Committee hmasa leh bera thlirho theih turin rawn pharh rawh se kan ti.

8. Bial KTP Conference 2012: Kumin Bial KTP Conference chu January 20- 22, 2012 chhungin Hunthar  Kohhranah nghah a ni a, hemi atan hian kan inbuatsaih mek a, bial hruaitu tur mi 3 nominate tura Bial-in min ngenna pawh ti hlawhtling tawhin kan branch atangin Pu Alan Lalmuanpuia, Tv. Lalruatkima leh Pu Lalsaimawia te kan nominate tawh a, tun tumah hian Palai nisa baka palai tur mi 50 kan inruat nghal. Palai turte hi Jan 16, 2012 Thawhtan zan inkhawm banah G.C.Hall-ah inhmuhkhawm tur a ni ang.

Kan Branch atanga Bial Conference agenda tur kan thehluh pali te chu a sawi hawngtu turin heng mite hi kan ruat: Tv. Eric Lalnunmawia, Pu Paul Lalringzuala, Tv. H. Lalremruata leh Tv. Kapthanmawia Hnamte. Thlengtu branch tanpuina atan Rs. 1,000.00 pek nise kan ti a, Bial Conference atana special item kan neih turte pawh  tihhlawhtilin a nih theih nan incharge ten hma lo lak chhunzawm zel se kan ti.

Pu TPA'n hneh takin Minute a ziak a, a chhiar bawk.
9. Lehkha hmuhte: Central KTP atangin lehkha pahnih ( Will Graham Crusade Feb. 16 - 19, 2012 a neih tura inkhawm tura sawmna leh Thu zir tur hriattirna) kan hmuhte chu chhiar chhuah a ni a, atul angin bawhzui ngaite bawhzui a tihhlawhtlin dan kawng zawn nise kan ti.

10. AOB: Kan Branch chanchinbu GILGAL chu kumin hi Silver Jubilee kum a lo nih tak avagnin nikum lama Branch Committee-in lawm a lo remtih tawh thu kan sawi chhuak a, Jubilee lawm dan tur ruangam lo duang a, Branch Committee hmasa leh bera ngaihtuah theih tura rawn chhawp chhuak turin Branch OB te leh Gilgal Editorial board ten ruahmanna lo siam se kan ti.



2012 Vaivakawn Branch KTP Hruaitute

L-R: AlanLalmuanpuia, LalchhuanawmaKhiangte, LalsaimawiaSailo, JohnyRosailova, Lalruatkima, LaltanpuiaChawngthu

Office Bearer-te:
Leader                   : Tv. Lalchhuanawma Khiangte
Assistant Leader    : Pu Alan Lalmuanpuia
Secretary               : Pu Lalsaimawia Sailo
Assistant Secretary : Pu Laltanpuia Chawnthu
Treasurer               : Tv. Lalruatkima
Finance Secretary  : Pu Johny Rosailova

Committee Member-te:
1. Tv. Vanlalhriata Chhangte
2. Pu Lalengzama
3. Tv. George L. Ralte
4. Tv. Ricky Lalrinchhana
5. Pu C. Lalmalsawma
6. Tv. H. Lalremruata
7. Pu Paul Lalringzuala
8. Tv. Eric lalnunmawia
9. Tv. PC Lalthanmawia
10. Tv. lalbiakdika
11. Tv. Peter H. Lalnuntluanga
12. Tv. H. Vanlalhuma
13. Tv. Kapthanmawia Hnamte
14. Pu Samuel Laltlanhlua
15. Nl. PC Lalrammuanpuii
16. Nl. Laldinpuii
17. Nl. Mimi Vanlalsiami
18. Nl. Lalngaihzuali
19. Nl. Lalrempuii Sailo
20. Nl. R. Lalmuankimi
21. Nl. Lalhlimpuii
22. Nl. Lalnunpuii
23. Nl. Roluahpuii

Kohhran Committee aiawhte:
1. Upa Liantusanga                      2. T/Upa R. Vanlalhruaia

Ex-Officio Member te:
1. Pastor B. Lalnghakliana            2. Pro. Pastor R. Lalmalsawma